Advertisements
RSS

Kilo 700 za kahawa toka Kigoma zakataliwa sokoni‏

11 Jul

KIGOMA

ZAIDI ya kilo 700 za kahawa zilizopelekwa kwenye Mnada wa Kimataifa wa Kahawa Moshi mkoani Kilimanjaro kutoka Kigoma, zimekataliwa na kurudishwa kwa wenyewe kwa madai kuwa hazina ubora kati ya madaraja 11 ya ubora wa kahawa yanayotambulika nchini.

Meneja wa Chama Kikuu cha Wakulima wa Kahawa mkoani Kigoma (KANYOVU), Jeremia Nkangaza alisema hayo wakati akitoa taarifa ya utekelezaji ya chama hicho kwa mwaka uliopita katika mkutano mkuu wa mwaka wa chama hicho.

Nkangaza alisema kuwa kahawa hiyo iliyorudishwa, inatoka kwa wakulima ambao wamekuwa wakifanyia shughuli zao za utayarishaji kahawa nyumbani na kilichogundulika  ni kwamba wakulima waliichemsha ili iwahi kuiva na kuiwahisha sokoni.

Alisema uboreshaji wa kahawa imekuwa changamoto kubwa kwao kama chama na wakulima, jambo ambalo limechangia kushusha bei ya kahawa ambayo imekuwa ikitayarishwa nyumbani kwa vile wakulima wengi hawafuati kanuni 10 za utayarishaji wa zao hilo.

Hata hivyo kwa mujibu wa Nkangaza, kumekuwa na mafanikio makubwa kwa kahawa inayotayarishwa katika vituo maalumu kutokana na kufikia ubora wa juu na kufanikiwa kuuza kilo moja kwa kati ya Sh 8,000 hadi 8,500.

Alisema kwa msimu uliomalizika, kilo 294,081 za kahawa safi iliyozalishwa vituoni iliuzwa kwa bei hiyo ambapo kati ya hizo, kilo 192,000 ziliuzwa katika soko la moja kwa moja.

Meneja huyo alisema kilo 658, 608 zilizotayarishwa nyumbani zilikusanywa na katika mnada uliofanyika Moshi mkoani Kilimanjaro kila kilo iliuzwa kwa Sh 596 ikiwa na tofauti kubwa ya bei kati ya ile inayotayarishwa kwenye vituo.

Akizungumza katika mkutano huo, Mwenyekiti wa Chama cha Msingi cha Rumako, Yahaya Mahwisa alisema ipo haja ya maazimio yaliyofikiwa kwenye mkutano wa wadau yakatekelezwa kwa wakulima kubanwa ili watayarishe kahawa yao kwenye vituo na kuifanya kuwa na ubora na kupata soko la uhakika.

Mahwisa alisema kahawa inayozalishwa mkoani Kigoma imekuwa ikipendwa sana katika soko la dunia kutokana na muonjo wake lakini kumekuwa na kiasi

kidogo kinachozalishwa kwa ubora wa juu ambao wanunuzi wa maja kwa moja wanaitaka na hivyo kuwakatisha tamaa wanunuzi kupata kiasi cha kutosha.

Mwenyekiti wa Kanyovu, Mathias Dangwa alisema vyama vya wakulima wa kahawa mkoani Kigoma haviungi mkono kitendo cha kushawishi wakulima wauze kahawa mbivu kama sera ya soko huria inavyotaka kutokana na utaratibu huo kuchangia wizi wa kahawa mashambani.

Dangwa alisema utaratibu huo unapingana na mkakati wa uboreshaji wa kahawa katika kupata ubora wa juu kwani ni jambo gumu kusimamia ubora kwa kahawa ambayo inauzwa moja kwa moja kwa mnunuzi kutoka shambani badala ya kupitia kwenye vituo vya uboreshaji au kwenye chama.

 

Advertisements
 
Leave a comment

Posted by on July 11, 2012 in Tanzania News

 

Tags: , , , ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: